Экологиялық қолөнер

Б.Момышұлы атындағы 12 жалпы білім беретін мектебінде экологиялық "Жасыл клуб" жобасының 2024-25 оқу жылына арналған жұмыс жоспарына сәйкес 27.01-31.01.2025ж мерзімінде көркем еңбек және музыка пәні бірлестігі апталығында бірлестік мұғалімдерінің ұйымдастыруымен 8 сынып оқушылары арасында "Экологиялық қолөнер" сайысы өткізілді.
Сайыстың мақсаты:
Қайта өңделген материалдарды пайдалану арқылы қоршаған ортаға деген жауапкершілікті сезінуге және тұтыну мәдениетін өзгертуге ықпал ету.
Қажетсіз болып қалған заттарды лақтырып тастаудың орнына, оларды қайта пайдаланудың тиімді жолдарын көрсету арқылы қоқыс көлемін азайтуға үлес қосу.
Сайыс ережесі:
* Табиғаттағы ыдырайтын материалдарды (қалдықтарды) қайта пайдалануды көрсететін қолөнер (қолмен жұмыс) жасау керек (пластик, шыны, полиэтилен, батареялар, фольга, консервілер және т.б.)
Сайыс қорытындысы бойынша үздік қолөнер жасаған сыныптар лездемеде марапатталып, оқушылардың жасаған жұмыстары сабақ арасындағы үзілістерде оқушыларға көрсетілді.