ІІХ « Зерде» республикалық зерттеу жобалары мен шығармашылық жұмыстары

     2024 жылдың 5 ақпанында  директордың бейінді ісі жөніндегі орынбасары Р.Садыкованың және мектеп әкімшілігінің ұйымдастыруымен балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру мақсатында өткізілген конкурсқа 2-7 сынып оқушылары арасында ІІХ « Зерде» республикалық зерттеу жобалары мен шығармашылық жұмыстары конкурсының қалалық кезеңінен  1 орын, облыстық кезеңінен 1 орын алған және республикалық кезеңіне қатысып, «Мадақтамамен»  оралған Б.Момышұлы атындағы №12 жалпы білім беретін мектебінің 6 «ә» сынып оқушысы Қанатұлы Нұрболатты қошеметпен қарсы алды. Нұрболаттың республика деңгейінде көрсеткен жетістігімен мектеп директоры С.Сүлейменов құттықтап, ізгі тілегін білдірді. Оқушы мен жетекшісі биология пәні мұғалімі А.Бугенбаеваның жетістігі ұжым арасында да құттықталды. Лездемеде оқушылар алдында марапаталып, өзінің қорғап келген жұмысымен,  тәжірибесімен бөлісті. Жетістікке жетуде қанатың талмай, білім көкжиегіне самғай бер деп мектеп ұжымы тілегін білдіреді.