Менің Отаныма – менің бастамам

Кентау қалалық білім бөлімі, Түркістан облысы білім басқармасының «Дарынды балаларды анықтау және қолдау орталығының» хаты негізінде «Менің Отаныма – менің бастамам» республикалық шығармашылық жобалар байқауының қалалық кезеңі өтті. Байқаудың мақсаты: дарынды балаларды анықтауға және қолдауға бағытталған балалар мен жастардың бастамаларын дамытуға ықпал ету, үйлесімді дамыған тұлғаны қалыптастыру, Қазақстан азаматын базалық ұлттық құндылықтар негізінде тәрбиелеу, балаларды қосымша біліммен қамту. Б.Момышұлы атындағы №12 жалпы білім беретін мектеп бойынша 4 сәуір 2024 жылы 7 «Ә» сынып оқушысы Жапақ Диас қалалық кезеңге қатысып «Қазақстанның жеті кереметі» номинациясы бойынша І дәрежелі дипломмен қалалық кезеңнен өтіп, облыстық байқауға жолдама алды. Жетекшісі тарих пәнінің мұғалімі М.Турметова. Облыстық кезеңнен жеңісті оралуына тілектеспіз!